自拍

(綜合報道)

(星島日報報道)鍾舒漫（Sherman）及李幸倪前晚演出芝華士音樂會，對於早前有指林欣彤（Mag）加盟公司後，因分薄了資源，最先「受害」的是泳兒不能出碟，對此Sherman說：「我明白周刊嘅作風，不過好多內容我都未聽過，亦無講過，有朋友也傳短訊慰問我有無事，我話OK，加上又唔係事實。」文。圖：游艾維



　　日前江若琳演出時被Fans索吻，問到Sherman到酒吧演出會否小心？她說：「嗰個人係咪想向佢求婚？說笑咋，我喺香港未試過，返內地演出時，可能嗰度口的人飲多咗，加上又開心，但當佢口地想行前少少時，已經有人會攔截啦！如果遇著熱情人客，我會盡量去避，但唔會還手，但會擋囉。」



　　另外，近日有周刊指Sherman與泳兒幫阿Mag改了「四方果」的花名，Sherman說：「我都係第一次聽呢3個字，我都想知個由來，真係離譜得太犀利，我都唔明點解咁多『知情人士』！」報道又指兩人爭用化妝師及髮型師，Sherman解解釋她們根本用不同的化妝師，真的不合情理。問到會否和阿Mag解釋此事？她說：「唔需要解釋，大家知咩事，我無佢電話，大家都覺得係得啖笑。」日本日前發生強烈地震，Sherman的胞妹在台灣，而朋友則在日本，她說：「我打電話問妹妹點樣，她扮聲之餘仲話：『家姐，我潛緊水呀。』咁即係代表無事啦。」



　　林欣彤宿敵 過江挑戰



　　至於同場演出的大馬歌手李幸倪，早前曾於《巨聲2》中踢館，挑戰小巨肺林欣彤，她計畫來港發展，並會推出廣東EP。問到怕否外間將她和阿Mag比較？「有競爭都係好事，最重要盡量做好自己，（怕否一齊爭新人獎？）做好本分最重要，是否得獎都係題外話，最重要把音樂做好。」對於有網友指她唱得比阿Mag好？她說：「每個歌手都係獨立，有自己特點，比賽係一個過程，最重要是係過程中學習到甚麼。」



　　■Sherman表示不知阿Mag（右）那個「四方果」的花名何解。



　　（資料圖片）



　　■李幸倪（左）過江狙擊林欣彤，即將在港推出廣東EP。



　　■對於被指蝦師妹林欣彤，Sherman覺得得啖笑，更不用多作解釋。